Dahavor ab spynieńni dziejnaści JeŭrAzES padpisany ŭ Minsku pa vynikach pasiadžeńnia Miždziaržaŭnaha savieta Jeŭrazijskaha ekanamičnaha supolnictva.
Jak adznačyŭ Alaksandr Łukašenka, JeŭrAzES dastojna vykanała svaju rolu, projdzieny vialiki i składany šlach intehracyjnaha budaŭnictva.
«Samaje hałoŭnaje, što JeŭrAzES stała fundamientam dla stvareńnia Mytnaha sajuza i Adzinaj ekanamičnaj prastory, jakija, ŭ svaju čarhu, zakłali asnovy budučaha Jeŭrazijskaha ekanamičnaha sajuza, — skazaŭ kiraŭnik biełaruskaj dziaržavy. — Tamu siońniašnija rašeńni ab źmianieńni farmatu našaha ŭzajemadziejańnia — heta adekvatnaje adlustravańnie sučasnych tendencyj intehracyi na postsavieckaj prastory».
Pavodle słoŭ Uładzimira Pucina, JeŭrAzES vykanała važniejšuju misiju, zabiaśpiečyŭšy pastupalnaje raźvićcio jeŭrazijskaj intehracyi. U Supolnictvie była sfarmiravana značnaja dahavorna-pravavaja baza šmatbakovaha supracoŭnictva, jakaja ŭklučaje bolš jak 200 dahavoraŭ i pahadnieńniaŭ u roznych śfierach.
«Ništo z bahataj spadčyny JeŭrAzES nie pavinna być stračana. Pradoŭžycca realizacyja bolšaj častki pahadnieńniaŭ i inšych dakumientaŭ, zaklučanych u ramkach Supolnictva. Važny i praktyčny vopyt, nabyty kirujučymi strukturami JeŭrAzES. Jaho treba zadziejničać u rabocie Jeŭrazijskaj ekanamičnaj kamisii», — skazaŭ Pucin.
JeŭrAzES spynić rabotu z 1 studzienia 2015 hoda ŭ suviazi z pačatkam funkcyjanavańnia bolš raźvitoha intehracyjnaha abjadnańnia — Jeŭrazijskaha ekanamičnaha sajuza.
