Prezident Ukrainy Piatro Parašenka paviedamiŭ, što ŭ Danieckaj vobłaści stvarajecca trochuzroŭnievaja sistema abarony.
Pra heta jon raspavioŭ padčas aficyjnaha pradstaŭleńnia novaha hubiernatara Łuhanščyny Hienadzia Maskala.
«Kiraŭnik dziaržavy paviedamiŭ, što tolki što naviedaŭ Danieckuju vobłaść, dzie pa jaho zahadu budujucca pieršaja, druhaja i treciaja linii abarony, stvarajecca «mahutnaja sanitarnaja abarona, kab nie dapuścić terarystaŭ i dyviersantaŭ, jakija b pieraškadžali mirnamu žyćciu ŭkraincaŭ», — havorycca na sajcie prezidenta.
Parašenka taksama adznačyŭ, što pavinna być zroblena ŭsio dla padrychtoŭki ŭkrainskaha vojski da zimy, i zaklikaŭ miascovyja ŭłady kaardynavać svaje dziejańni z vajskoŭcami.
Akramia taho, prezident prapanavaŭ načalniku Hienštaba Viktaru Muženku razhledzieć mahčymaść raźmiaščeńnia ŭ Sievieradaniecku i Lisičansku dvuch vajennych bryhad na pastajannaj asnovie.
