«Respubliki» bajevikoŭ Danbasa spyniać isnavańnie, kali pradstaŭniki «isłamskaj dziaržavy» atakujuć Rasiju. Pra heta ŭ svaim akaŭncie ŭ Facebook napisaŭ rasijski vajenny žurnalist Arkadź Babčanka.
«Adzinaja nadzieja «Navarosii» na isnavańnie — heta Amieryka. Bo kali Amieryka raptam pierastanie choć niejak strymlivać našych lepšych siabroŭ z «isłamskaj dziaržavy», jany, naturalna, za ŭsio, nieminuča palezuć u Rasiju. Darma, što hleba ŭžo padrychtavana. I kali na Kaŭkazie čarhovy raz pačniecca katastrofa, Rasii budzie ŭžo, viadoma, nie da danieckaha aeraporta.
Paśla čaho DNR i ŁNR spyniać svajo isnavańnie dosyć chutka i, uvohule, naturalnym šlacham. Tam navat asablivych bajoŭ nie spatrebicca», — miarkuje jon.
Arkadź Babčanka piša, što ZŠA źjaŭlajucca stratehičnymi sajuźnikam Rasii ŭ baraćbie ź isłamistami.
«Ci razumiejuć hetuju šyzafreniju adepty «Ruskaha śvietu», cikava? Prosta pa-čartoŭsku cikava pahladzieć, jakoha pamieru «zatyk» adbudziecca ŭ hałavie ŭ Duhina, kali stanie jasna, što «Praklataje NATA» i «praklataja Amieryka» — heta najvažniejšyja stratehičnyja sajuźniki Rasii», — piša žurnalist.
