Paśla paražeńnia na prezidenckich vybarach 2010 hoda adzinstva dla lidara kampanii «Havary praŭdu» Uładzimira Niaklajeva «stała pryncypovaj spravaj».
Pra heta palityk zajaviŭ, vystupajučy z pryvitalnym słovam na čarhovym źjeździe Partyi BNF, jaki prachodzić 11 kastryčnika ŭ Minsku.
«My nie zdoleli pieramahčy ŭ 2010 hodzie, bo nie byli abjadnanyja ni adzinym lidaram, ni adzinaj stratehijaj», — padkreśliŭ jon.
Kansultujučysia ź lidarami apazicyi, adznačyŭ Niaklajeŭ, jon zychodzić z taho, što «važna, chto budzie adzinym lidaram, ale jašče važniejšy adziny padychod i taktyka».
«Kali stali raźbiracca, chto pieršy, to vyśvietliłasia: usie — pieršyja.
Zatym ja prapanavaŭ vyłučyć adzinym kandydatam Mikałaja Statkieviča, adnačasova vystaviŭšy ŭładam šerah patrabavańniaŭ. Kali b ułady nie vykanali našy patrabavańni, my pierajšli b da aktyŭnaha bajkotu vybaraŭ», — skazaŭ Niaklajeŭ.
Jon paviedamiŭ, što nie była padtrymanaja i jašče adna jaho inicyjatyva ab vyłučeńni delehataŭ na kanhres demakratyčnych sił praz zbor podpisaŭ. «Na adnym z pasiadžeńniaŭ ja skazaŭ, što admaŭlajusia ad prapanovy ab zbory podpisaŭ, a značyć, i ad pretenzij na adzinaha kandydata. Ale pry ŭmovie, što adziny kandydat daść mnie vyrazny adkaz, što jon budzie rabić na prezidenckich vybarach», — skazaŭ palityk.
Niaklajeŭ vykazaŭ nadzieju, što na źjeździe Partyja BNF vyznačycca «z dakładnymi pryncypami ŭdziełu ŭ vybarach, ad jakich lidar nie zmoža adyści ŭ svajoj dziejnaści».
