Źmiest telekanała «Biełaruś 24» nie adpaviadaje patrabavańniam Jeŭrapiejskaj kanviencyi i ŭkrainskaha zakanadaŭstva, havorycca ŭ tłumačeńni.
Takoje rašeńnie 15 kastryčnika pryniaŭ Nacyjanalny saviet Ukrainy pa pytańniach telebačańnia i radyjo. 1 kastryčnika byŭ praviedzieny vybaračny manitorynh kantentu zamiežnaj prahramy «Biełaruś 24». Vyniki hetaha manitorynhu śviedčać ab najaŭnaści ŭ pieradačy «Pravy čałavieka. Pohlad u śviet» antyŭkrainskaj prapahandy i skažeńni infarmacyi ab palityčnych padziejach va Ukrainie.
Namieśnik staršyni Nacyjanalnaha savieta Ryhor Švierk adznačyŭ, što ŭ dalejšym Nacyjanalny saviet źvierniecca z adpaviednym pazovam u sud. Ab siońniašnim rašeńni rehulatara budzie paviedamlena pravajderam prahramnaj pasłuhi.
0
0
0
0
0
0
