U Biełarusi ŭ hetym epidsiezonie čakajecca cyrkulacyja dvuch novych varyjantaŭ virusa hrypu. Ab hetym siońnia paviedamiła žurnalistam zahadčyca epidemijałahičnaha adździaleńnia Minskaha haradskoha centra hihijeny i epidemijałohii Iryna Hlinskaja.
«U biahučym epidsiezonie čakajem, što ŭ Biełarusi buduć cyrkulavać dva varyjanty virusa hrypu, ź jakimi my jašče nie sutykalisia. U suviazi z hetym sastaŭ vakcyn źmianiŭsia. Tamu ŭ biahučym hodzie asabliva metazhodna sfarmiravać abaronu suprać zachvorvańnia z dapamohaj pryščepki», — skazała Iryna Hlinskaja.
Pavodle jaje słoŭ, u pieršuju čarhu zrabić pryščepku ad hrypu nieabchodna ludziam, jakija ŭvachodziać u hrupu ryzyki. «Zaścierahčy siabie ad zachvorvańnia pavinny asoby starejšyja za 65 hadoŭ. Darečy, u minułym hodzie pryščepku zrabili amal 60 pracentaŭ pažyłych ludziej. Treba taksama pomnić ab tym kałasalnym efiekcie, jaki my atrymlivajem, robiačy pryščepku ciažarnaj žančynie. Bo dzicia, narodžanaje ŭ pryščeplenaj ad hrypu maci, pieršyja šeść miesiacaŭ abaroniena ad chvaroby», — padkreśliła śpiecyjalist.
Zahadčyca epidemijałahičnaha adździaleńnia adznačyła, što ŭ pieršuju čarhu vakcynavać treba i dziaciej, nahadaŭšy, što bolš za 90 pracentaŭ špitalizavanych z-za hrypu i vostrych reśpiratornych infiekcyj —niepaŭnaletnija. Zaścierahčy siabie suprać hrypu śpiecyjalisty taksama rekamiendujuć pracujučamu nasielnictvu. «My nie pieršy hod atrymlivajem dokaz, što vakcynacyja suprać hrypu na pradpryjemstvach u 3-5 razoŭ źnižaje zachvaralnaść siarod rabotnikaŭ», — skazała Iryna Hlinskaja.
U biahučym hodzie pryščapić ad zachvorvańnia za košt biudžetnych krynic finansavańnia płanujecca kala 780 tys. (amal 40 pracentaŭ) žycharoŭ Minska. Biaspłatna preparat atrymajuć ludzi z vysokaj ryzykaj raźvićcia ciažkich posthrypoznych uskładnieńniaŭ (chraničnymi zachvorvańniami sardečna-sasudzistaj, dychalnaj i endakrynnaj sistem, asoby starejšyja za 65 hadoŭ i inšyja), a taksama hramadzianie, jakija majuć vysokuju ryzyku zachvorvańnia na hryp (dzieci, miedycynskija rabotniki, supracoŭniki MNS, MUS i inšyja).
Za košt respublikanskaha i miascovaha biudžetaŭ u Minsku pryščeplivajuć vakcynaj kitajskaj vytvorčaści «Fluvaksin». Jana vykarystoŭvajecca ŭ respublicy na praciahu čatyroch hadoŭ i dakazała svaju efiektyŭnaść i biaśpieku. Pryščepku suprać zachvorvańnia na płatnaj asnovie možna zrabić i inšymi vakcynami, dazvolenymi da prymianieńnia ŭ Biełarusi, u tym liku «Hrypoł plus» (Rasija), «Vaksihryp» (Francyja), «Fluaryks» (Bielhija), «Influvak» (Niderłandy). Košt płatnaj pryščepki varjirujecca ad Br65 tys. da Br150 tys.
