U adnoj sa škoł Simfieropalskaha rajona ŭ Krymie nastaŭniki sabrali padručniki i knihi na ŭkrainskaj movie i źniščyli na vačach vučniaŭ.
Pra heta napisaŭ siabra Miedžlisa krymskatatarskaha naroda Eskiender Baryjeŭ u Facebook.
Jon cytuje ŭražańni 8-hadovaha školnika, navučenca adnoj sa škoł Simfieropalskaha rajona:
«U našaj škole sabrali padručniki i knihi na ŭkrainskaj movie i pra Ukrainu. Zrabili zvałku. I na vačach u školnikaŭ pačali irvać. Niekatoryja vučni chacieli zabrać knižki dadomu, im nie dazvolili. Da źniščeńnia knih pryciahvali navučencaŭ. Niekatoryja vučni admaŭlalisia. Mnie ŭdałosia vyciahnuć i vyratavać adnu knižku, heta byŭ ukrainska-anhlijski słoŭnik. Chacieŭ jašče vyciahnuć, nie atrymałasia…»
Baryjeŭ padkreśliŭ, što «hetym zajmajucca nastaŭniki».
«Heta nie pieršy vypadak, kali źniščajuć litaraturu na ŭkrainskaj i krymskatatarskaj movach (dziaržaŭnych u Krymie). Taksama źniščali knihi na krymskatatarskaj movie paśla anieksii Kryma ŭ 1783 hodzie», — dadaŭ jon.