U Słužbu biaśpieki Ukrainy źviarnulisia svajaki 131 rasiejskaha vajskoŭca, jakija, pa ich zdahadcy, mahli źniknuć na ŭschodzie Ukrainy.
Pra heta paviedamiŭ daradca kiraŭnika SBU Markijan Łubkiŭski.
«Nami pryniaty zajavy pa vyšuku 131 vajskoŭca Uzbrojenych sił Rasijskaj Fiederacyi, los jakich nieviadomy i jakija mahli stać, pa sutnaści, achviarami rasijskaha režymu, budučy kamandziravanymi na vajnu suprać Ukrainy», — raspavioŭ Łubkiŭski ŭ sieradu.
Daradca kiraŭnika SBU zaklikaŭ rasijskija siemji, jakija šukajuć svaich rodnych, i dalej źviartacca ŭ Słužbu biaśpieki Ukrainy dla pošuku blizkich im ludziej. «My hatovyja akazać im usiebakovaje sadziejničańnie ŭ pytańniach pošuku», — cytuje Łubkiŭskaha ahienctva «Interfaks-Ukraina».
