tass.com
Sproby Zachadu akazać cisk na Rasiju ŭ suviazi z kryzisam va Ukrainie nie spryjajuć urehulavańniu situacyi ŭ hetaj krainie, a tolki abciažarvajuć dyjałoh, zajaviŭ rasijski prezident Uładzimir Pucin.
«Našy partniory pavinny vyrazna ŭśviedamlać, što sproby cisku na Rasiju šlacham adnabakovych, nielehitymnych abmiežavalnych krokaŭ nie nabližajuć urehulavańnie, a tolki ŭskładniajuć dyjałoh», — zajaviŭ Pucin u intervju sierbskaj haziecie «Palityka» napiaredadni vizitu ŭ Białhrad.
Rasijski lidar taksama paraiŭ ZŠA admovicca ad šantažu Rasii i zajaviŭ pra hatoŭnaść da kanstruktyŭnaha supracoŭnictva z zachodnimi partniorami.
«Spadziajemsia, što partniory ŭśviedamlajuć biezrazvažlivaść sprobaŭ šantažavać Rasiju, uspomniać, čym niebiaśpiečny razład pamiž bujnymi jadziernymi dziaržavami dla stratehičnaj stabilnaści», - skazaŭ jon.
Na dumku Pucina, dla ŭstanaŭleńnia miru va Ukrainie nieabchodny ŭnutryŭkrainski dyjałoh z udziełam usich palityčnych sił i rehijonaŭ, u ramkach jakoha nieabchodna abmierkavać kanstytucyjny ład krainy.
