Pra heta paviedamiŭ supracoŭnik pres-słužby UUS Hrodzienskaha abłvykankama Ihar Biełazioraŭ.
Kala 23.30 la adnaho z damoŭ na vulicy Niakrasava ŭ Ščučynie miascovy žychar padpilnavaŭ vypadkovuju dziaŭčynu, adabraŭ u jaje žanočuju sumačku i sprabavaŭ uciačy.
Achviaraj akazałasia maładaja nastaŭnica adnoj ź miascovych škoł, jakaja prajaviła niezvyčajnuju advahu. Dziaŭčyna dahnała kryŭdziciela, akazała jamu supraciŭ, a hramadzianie, jakija padaśpieli na dapamohu, kančatkova ŭcichamiryli napadnika i nieŭzabavie pieradali jaho supracoŭnikam milicyi, jakija pryjechali pa vykliku.
U sumcy znachodzilisia mabilny telefon, nievialikaja suma hrošaj i damskija rečy.
Jak akazałasia, 31-hadovy padazravany raniej byŭ čatyry razy sudzimy za kradziažy i niadaŭna vyzvaliŭsia ź miescaŭ pazbaŭleńnia voli. U minułym hodzie za ŭčynieńnie zabojstva asudzili jaho brata. Śledčy kamitet pačaŭ kryminalnuju spravu.
