Pra heta paviedamiŭ pradstaŭnik Infarmacyjna-analityčnaha centra RNBA Andrej Łysienka na bryfinhu ŭ Kijevie.
«Na siońniašni dzień na miažy z RF Dziaržpahransłužba pry aktyŭnym sadziejničańni abłasnych administracyj uładkavała 62 km procitankavych ravoŭ i 50 km inšych zaharod, raspracavała i abnaviła 750 km kantrolna-śledavych pałos, abstalavała akopy i tranšei, blindažy i błokpasty», — adznačyŭ jon i dadaŭ, što «takija ž miery byli raspačatyja i na administracyjnaj miažy z časova akupavanym Krymam».
Taksama, skazaŭ Łysienka, pamiežniki ŭstalavali zvyš za 200 nahladalnych viežaŭ, uładkoŭvajuć skrytyja miescy niasieńnia słužby i pazicyi dla techničnych srodkaŭ, madernizujuć sastarełyja radyjołakacyjnyja stancyi i pasty techničnaha nazirańnia.
