Pavodle infarmacyi «Našaj Nivy», jašče adzin biełaruski futbalist moža adpravicca praciahvać karjeru ŭ Jeŭropie.
Jak paviedamlajuć našy krynicy, futbolny kłub «Visła» (Krakaŭ) zacikaŭleny ŭ pasłuhach 26-hadovaha hulca babrujskaj «Biełšyny» Mikity Bukatkina. Biełaruski aporny paŭabaronca moža zaklučyć kantrakt z polskim kłubam ŭ zimovaje tranśfiernaje akno. Pracoŭnaje pahadnieńnie Bukatkina zakančvajecca ŭ śniežni hetaha hoda, takim čynam, futbalist zmoža pierajści ŭ «Visłu» ŭ statusie svabodnaha ahienta.
Nahadajem, što na dadzieny momant hałoŭnym trenieram krakaŭskaj «Visły» źjaŭlajecca Francišak Smuda, jaki raniej nieadnarazova pryvodziŭ svaje kamandy da čempijonstva Polščy, a taksama ŭznačalvaŭ nacyjanalnuju zbornuju hetaj krainy. Ciapier paśla 11 turaŭ «Visła» zajmaje 6 miesca ŭ tablicy čempijanata Polščy, adstajučy ad lidara – «Hurnika» (Zabže) na 3 ački. Babrujskaja «Biełšyna» ž znachodzicca na 10 radku ŭ vyšejšaj lizie Biełarusi.
