Marka z malunkam Touka Łaaksaniena (Tom Of Finland).
Picierski deputat Vital Miłonaŭ zaklikaŭ «Poštu Rasii» nie prymać listy, pasyłki i banderoli ź finskimi paštovymi markami, na jakich namalavanyja asoby nietradycyjnaj sieksualnaj aryjentacyi, pieradaje TASS.
«Mnoju padrychtavany zvarot da kiraŭnika «Pošty Rasii». Hetyja marki supiarečać rasijskim zakonam — pa vialikim rachunku, jany źjaŭlajucca elemientami prapahandy homaseksualizmu, jakaja zabaronienaja ŭ krainie. Ja prašu kiraŭnictva «Pošty Rasii» ŭvažliva pastavicca da dadzienaj prośby», — zajaviŭ Miłonaŭ.
Deputat taksama źviarnuŭsia i da samich žycharoŭ Finlandyi admovicca ad vykarystańnia takich marak dla adpraŭki pošty ŭ Rasiju.
U vieraśni 2014 hoda finskaja paštovaja słužba vypuściła ŭ abaračeńnie šeść marak i paštovak ź ilustracyjami mastaka Touka Łaaksaniena, viadomaha taksama pad psieŭdanimam Tom Of Finland i vyrašyła, jak adznačaje TASS, ŭ jakaści ekśpierymientu pasłać adpraŭleńni ź imi ŭ Maskvu i Sankt-Pieciarburh. Nasupierak čakańniam finskich žurnalistaŭ, usie listy abminuli «homasieksualnuju cenzuru» Rasii i dajšli da atrymalnikaŭ.
Hetyja marki stali samymi pradavanymi za ŭsiu historyju kampanii, choć i vyklikali nieadnaznačnuju reakcyju: bujnaja sietka univiermahaŭ «Halpa-Halli» zajaviła, što nie budzie pradavać ich ni ŭ adnoj ź jaje kram, pakolki marki «nie adpaviadajuć chryścijanskim pierakanańniam».
