Alaksandr Łukašenka patrabuje syści ad učorašnich standartaŭ u sistemie vyšejšaj adukacyi.
Ab hetym kiraŭnik dziaržavy zajaviŭ siońnia na naradzie pa pytańniach zaniataści i mihracyi ŭ Biełarusi.
Mnohija śpiecyjalisty, navučency za košt biudžetu, zastajucca niezapatrabavanymi. «I ŭsio tamu, što sistema vyšejšaj adukacyi hruntujecca na patrebach učorašniaha dnia i nie rychtuje tych, chto realna patrebien ekanomicy krainy. Ale dziŭna, čamu sistema vyšejšaj adukacyi moža pracavać pa učorašnich standartach i rychtavać pa patrebach učorašniaha dnia? — skazaŭ jon. — Značyć, tut naohuł niama nijakaj arhanizavanaści i arhanizacyi.
Sistema adukacyi, kali jana pavinna rychtavać pa patrebach siońniašniaha dnia, pavinna atrymlivać vyrazny i peŭny zakaz. Značyć, i hetaha niama?»
Padrychtoŭka kadraŭ čaściakom viadziecca biez uliku ŭdaskanaleńnia i madernizacyi vytvorčaści. Mnohija arhanizacyi nie mohuć vyznačyć zakaz na śpiecyjalistaŭ navat na karotkaterminovuju pierśpiektyvu, padkreśliŭ kiraŭnik dziaržavy.
