Apoŭdni ŭ Daniecku prahrymieŭ mahutny vybuch, mierkavana — u rajonie chimzavoda, paviedamlaje haradski saviet.
«U 12 hadzin 10 chvilin u horadzie prahrymieŭ mahutny vybuch. Pavodle papiarednich źviestak, jon adbyŭsia ŭ rajonie Danieckaha zavoda chimičnych vyrabaŭ», — havorycca ŭ paviedamleńni.
U meryi dadajuć, što vybuchovaja chvala prajšła pa ŭsim horadzie. Miascovyja žychary raskazvajuć, što praź jaje ŭ mnohich damach pavylatali šyby.
Rasijskaje ahienctva RIA «Novosti» sa spasyłkaj na «pradstaŭnika MNS» samaabvieščanaj «DNR» paviedamlaje, što na ŭskrainie horada, u pasiołku Harniak vybuchnuła rakieta «Kropka-U».
Kiraŭnik pres-centra ATA Uładzisłaŭ Sielaźnioŭ zajaviŭ, što vajskoŭcy da hetaha vybuchu nie majuć dačynieńnia.
«Z 11:00 da 11:45 było bajavoje sutyknieńnie ŭ Danieckim aeraporcie. Stralali z usiaho, što tolki było ŭ bajevikoŭ — strałkovaja zbroja, AHS, minamioty, hranatamioty. Našy kibarhi hetuju ataku adbili. Ale jany pracavali łakalna, pa kropkach kancentracyi bajevikoŭ. U sam horad jany nie stralali», — zajaviŭ jon.
«Pa mirnych hramadzianach vajskoŭcy nie pracujuć, i ŭžo dakładna my nie vykarystoŭvajem takija rečy, jak «Kropka-U», jak užo pišuć u sietkach», — dadaŭ Sielaźnioŭ.