Parkoŭki ŭ centry Minska na praciahu paŭhoda abstalujuć aŭtamatyzavanaj sistemaj apłaty.
Ab hetym paviedamiŭ siońnia žurnalistam hałoŭny inžynier unitarnaha pradpryjemstva «Haražy, aŭtastajanki i parkoŭki» Piotr Prudnikaŭ.
Zona płatnaj parkoŭki da kanca hoda budzie abstalavana ŭ rajonie vulic Kamsamolskaj — Internacyjanalnaj — Revalucyjnaj. Parkamaty tut buduć pracavać na soniečnych batarejach. Na pačatkovym etapie apłacić parkoŭku možna budzie tolki najaŭnymi, a zatym i z dapamohaj bankaŭskaj kartki, SMS-paviedamleńnia, dadatku dla mabilnaha telefona. Paśla płatnaja parkoŭka źjavicca na vulicy K.Marksa. «U cełym pastaŭlena zadača na praciahu paŭhoda abstalavać aŭtamatyzavanaj sistemaj apłaty parkovak centr horada», — skazaŭ Piotr Prudnikaŭ.
Na płatnych parkoŭkach na vulicach Leninhradskaj i Hikała z 1 kastryčnika pravodziłasia teściravańnie sistemy apłaty mašyna-miesc z dapamohaj SMS-paviedamleńniaŭ i dadatku da smartfona. Za hety čas z dapamohaj SMS stajanku apłacili bolš za 1,5 tys. aŭtaamataraŭ.
Za studzień-vierasień 2014 hoda ŭ Minsku evakuatary adpravili na achoŭnyja stajanki 14566 transpartnych srodkaŭ, u bolšaści svajoj pryparkavanych z parušeńniem pravił. Adbuksiroŭcy na štrafstajanku ŭ abaviazkovym paradku padlahajuć aŭtamabili, pakinutyja ŭ zonie dziejańnia darožnych znakaŭ, što zabaraniajuć spynieńnie i stajanku, a taksama mašyny, za rulom jakich znachodziacca kiroŭcy ŭ stanie ałkaholnaha abo narkatyčnaha apjanieńnia, asoby biez paśviedčańnia kiroŭcy.
