Z časoŭ Druhoj suśvietnaj vajny niamieckaja armija vykarystoŭvaje pa vialikim rachunku adzin i toj ž «adziny kulamiot» vielmi charakternaha vyhladu. Adnak kłasičnaja «piła Hitlera» chutka sastupić miesca zbroi 21 stahodździa.
Kulamiot MG-5.
U bližejšy čas Hiermanija płanuje pryniać na ŭzbrajeńnie kulamiot MG5 vytvorčaści kampanii Heckler & Koch zamiest kulamiota MG-3, piša sajt army.mil.
«Hałoŭnaja rysa (novaj kanstrukcyi) – jana značna bolš trapnaja, čym papiaredniaja», — adznačyŭ pałkoŭnik niamieckaj armii Kryścijan Brandes žurnalistam padčas vyprabavańniaŭ novaj zbroi.
Kulamiotčyk z MG-3.
Jak i MG-3, MG-5 maje kalibr 7,62 mm, ale zmoža vykarystoŭvać značna bolš šyroki nabor aptyčnych ci łaziernych prycełaŭ dy inšych pryład.
Raniej niemcy płanavali zamianić MG-3 kulamiotam MG-4 kalibru 5,56 mm, ale padčas bajoŭ suprać isłamistaŭ u Afhanistanie žaŭniery stali skardzicca, što kulamioty hetaha kalibru majuć niedastatkovuju dalokaść ahniu i prabiŭnuju moc.