Urad Biełarusi padrychtavaŭ prajekt narmatyŭnaha akta, u jakim praduhledžany šerah mier dla maksimalna mahčymaha pryciahnieńnia da pracy hramadzian, jakija ŭchilajucca ad raboty, a taksama dla stvareńnia dadatkovych stymułaŭ da dobrasumlennaj pracy.
Ab hetym Alaksandru Łukašenku 20 kastryčnika dałažyŭ namieśnik premjer-ministra Anatol Tozik na naradzie pa pytańniach zaniataści i mihracyi ŭ krainie, paviedamili ŭ pres-słužbie kiraŭnika dziaržavy.
U pryvatnaści, prapanujecca pavialičyć minimalny pracoŭny staž z vypłataj abaviazkovych strachavych uznosaŭ u fond sacyjalnaj abarony nasielnictva dla naznačeńnia pracoŭnych piensij z 10 da 15 hadoŭ. Pry raźliku piensij prapanujecca brać za asnovu apošnija 20 hadoŭ stažu. Pry adsutnaści patrabujemaha ahulnaha i strachavoha stažu raboty — pavysić uzrost dla zvarotu za sacyjalnaj piensijaj na piać hadoŭ: da 60 hadoŭ dla žančyn i 65 hadoŭ dla mužčyn, a mahčyma, i ŭstanavić adnolkavy paroh uzrostu 65 hadoŭ.
Pavodle słoŭ Anatola Tozika, dla tych, chto nie płacić padachodny padatak i adličeńni ŭ fond sacyjalnaj abarony, varta b vyznačyć pieralik minimalnaj dapamohi, jakuju jon moža atrymać biaspłatna ŭ dziaržavie.
Urad prapanuje ŭzmacnić upłyŭ doŭhaha pracoŭnaha stažu na pamier naznačajemaj piensii, u pieršuju čarhu dla nizkaapłatnych katehoryj rabotnikaŭ.
Na dumku vice-premjera, kab nasielnictva lepš pracavała, nieabchodna stvaryć ekanamičnyja stymuły, skarekciravać sacyjalnuju palityku i ŭdakładnić dziaržaŭnyja sacyjalnyja standarty, pierahledzieć normy pracy. Anatol Tozik ličyć, što realizacyja hetych mier dała b mahčymaść pavysić naminalnuju zarabotnuju płatu ŭ krainie, vyraŭnavaŭšy jaje pakazčyk z susiednimi krainami.
U krainie pačata rabota pa zabieśpiačeńni nieabchodnaj mabilnaści rabočaj siły. U suviazi z hetym urad ličyć metazhodnym pradoŭžyć skaračeńnie budaŭnictva žylla ź dziaržpadtrymkaj i pavieličeńnie budaŭnictva dastupnaha pa canie arendnaha žylla z adpaviednaj padtrymkaj šmatdzietnych siemjaŭ i inšych katehoryj, jakija ŭ hetym majuć patrebu.
Vice-premjer unios taksama šerah prapanoŭ, jakija datyčacca źmianieńnia struktury i jakaści padrychtoŭki kadraŭ, pavyšeńnia statusu prafiesijna-techničnaj i siaredniaj śpiecyjalnaj adukacyi, a taksama kaardynavańnia raboty ministerstvaŭ i viedamstvaŭ. U pačatku listapada hetyja prapanovy buduć uniesieny na razhlad kiraŭnika dziaržavy.
Anatol Tozik ličyć, što ŭ krainie jość mahčymaści zakryć usie patrebnaści ekanomiki ŭłasnymi pracoŭnymi resursami, prymajučy ź liku zamiežnych hramadzian tolki patrebnych dla krainy śpiecyjalistaŭ.
«Nam patrebien vynik. Jak vy budziecie dabivacca vyniku — heta vaša sprava, - padkreśliŭ Alaksandr Łukašenka. — Ale nie pavinien čałaviek, jaki dzień pry dni na rabocie, pracavać na niejkich jašče bamžoŭ!»
