Pra heta eks-ministr zamiežnych spraŭ Polščy raskazaŭ u intervju Politico Magazine.
«Heta była adna ź pieršych rečaŭ, jakija Pucin skazaŭ kiraŭniku ŭrada Donaldu Tusku, kali jon naviedvaŭ Maskvu. Jon praciahvaŭ kazać, što Ukraina — heta štučnaja kraina, i što Lvoŭ — heta polski horad, to čamu b nam razam heta niejak nie vyrašyć?» — skazaŭ Radasłaŭ Sikorski, jaki z kastryčnika zajmaje pasadu kiraŭnika polskaha Siejma.
Sikorski taksama vykazaŭ mierkavańnie, što jašče bolš za 6 hadoŭ tamu Pucin pačaŭ płanavać ahresiju suprać Ukrainy i praličvać, jakija rehijony Ukrainy jamu budzie vyhadna zachapić, a jakija — nie. Pavodle jaho dadzienych, Kreml ličyŭ vyhadnaj anieksiju Zaparožskaj, Dnieprapiatroŭskaj i Adeskaj abłaściej i niavyhadnym — dałučeńnie Danbasa, častku jakoha ciapier kantralujuć prarasijskija bajeviki.
