Jeŭrasajuz nie źmianiŭ sankcyi suprać Rasii. Pra heta paviedamiła ŭ paniadziełak 20 kastryčnika, Viarchoŭny pradstaŭnik ES pa zamiežnych spravach i palitycy biaśpieki Ketryn Eštan.

«Usio zastajecca pa-raniejšamu», - skazała jana, adkazvajučy na pytańnie pra sankcyi suprać Rasii pa vynikach sustrečy ministraŭ zamiežnych spraŭ krain ES u Luksiemburhu.

Pavodle słoŭ Eštan, niahledziačy na niekatory prahres u vykanańni minskaha pratakoła pa Ukrainie, «šmat jašče nieabchodna zrabić», a «praces spynieńnia ahniu zastajecca pakul jašče vielmi dalikatnym». U toj ža čas jana padkreśliła, što ES, jak abiacaŭ, budzie pierahladać pazicyju pa sankcyjach.

Jak paviedamiła kiraŭnik jeŭrapiejskaj dypłamatyi, ministry damovilisia praciahnuć akazvać nasielnictvu Ukrainy humanitarnuju dapamohu, jakaja ŭžo skłała 63 miljony jeŭra. Taksama ŭdzielniki sustrečy paćvierdzili hatoŭnaść supracoŭničać z Kijevam u praviadzieńni ekanamičnych i palityčnych reformaŭ, finansujučy misiju pa reformie ŭ śfiery biaśpieki i sadziejničajučy zaklučeńnia pahadnieńnia pamiž Ukrainaj i Rasijaj pa pastaŭkach enierhii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?