Arhanizacyja Human Rights Watch zajaŭlaje, što ŭ pačatku kastryčnika ŭkrainskija vojski ŭžyvali kasietnyja bojeprypasy ŭ abstrełach žyłych rajonaŭ Daniecka.

Ekśpierty HRW praviali tydniovaje rasśledavańnie, padčas jakoha vyjavili raspaŭsiudžanaje vykarystańnie kasietnych bojeprypasaŭ u bajach pamiž ukrainskimi padraździaleńniami i prarasijskimi sieparatystami, havorycca ŭ spravazdačy arhanizacyi.

«Choć kančatkova vyznačyć adkaznaść za bolšaść napadaŭ niemahčyma, dokazy pakazvajuć na toje, što ŭkrainskija vojski adkaznyja za niekalki z napadaŭ z vykarystańniem kasietnych bojeprypasaŭ u Daniecku», — havorycca ŭ dakładzie.

U pryvatnaści, pa dadzienych HRW, u adnym z takich napadaŭ 2 kastryčnika zahinuŭ rabotnik Mižnarodnaha kamiteta Čyrvonaha Kryža.

Pry hetym u HWR nie vyklučajuć, što bajeviki taksama mahli ŭžyvać zabaronienuju zbroju.

«Choć i nie kančatkova, abstaviny ŭkazvajuć na toje, što antyŭradavyja siły taksama mohuć być adkaznyja za vykarystańnie kasietnych bojeprypasaŭ», — adznačajecca ŭ spravazdačy.

U arhanizacyi zaklikali ŭkrainskuju ŭładu nieadkładna abaviazać nie prymianiać kasietnyja bojeprypasy i dałučycca da Kanviencyi ab ich zabaronie.

Raniej u Kijevie nieadnarazova abviarhali abvinavačvańni ŭ vykarystańni kasietnych bombaŭ u kanflikcie na Danbasie. Ukrainskija ŭłady taksama abvinavačvajuć u abstrełach žyłych rajonaŭ Daniecka prarasijskich bajevikoŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?