Na hetym tydni Biełaruś naviedaje namieśnik ministra zamiežnych spraŭ Polščy Tomaš Arłoŭski, jaki adkazvaje za ŭschodniuju palityku polskaha źniešniepalityčnaha viedamstva.
24 kastryčnika ŭ Minsku adbudziecca sustreča Arłoŭski ź lidarami apazicyi, paviedamiŭ BiełaPAN staršynia Abjadnanaj hramadzianskaj partyi Anatol Labiedźka.
«Nakolki ja razumieju, heta budzie jaho aznajamlenčy vizit na novaj pasadzie. Płanujucca jaho sustrečy z pradstaŭnikami aficyjnych uładaŭ, palityčnaj apazicyi, hramadzianskaj supolnaści», — skazaŭ Labiedźka.
Tomaš Arłoŭski byŭ pryznačany namieśnikam ministra zamiežnych spraŭ Polščy 1 vieraśnia, dahetul pracavaŭ pasłom Polščy ŭ Francyi i Manaka.
