Treci matč hrupavoha raŭnda Lihi čempijonaŭ pamiž BATE i danieckim «Šachcioram» pačynaŭsia aptymistyčna. Alaksandr Karnicki, jaki ŭ apošni miesiac pakazvaje vydatnuju hulniu, biŭ ź lubych pazicyj. BATE atakavaŭ, usio było okiej.
Nu a potym pamyłku ŭ centry pola dapuściŭ małady apornik Jaŭhien Jabłonski. Chahuš nie sfaliŭ u čas na Aleksu Tejšejru. Černik pabieh napierad, potym spyniŭsia. Bramnik akazaŭsia ŭ vielmi niazručnaj situacyi, i brazilec zabiŭ pieršy hoł.
Amal adrazu barysaŭcy mieli vydatny šaniec adyhracca, adzin na adzin z Andrejem Piatavym vychodziŭ Maksim Vaładźko. Bramnika jon pierakinuŭ, ale vyratavaŭ kapitan «Šachciora» Darya Srna. A zabi Vaładźko, to ŭsio mahło skłaścisia inakš. Chacia heta z adnoj sieryi: «A što było b, kab Vitaŭt atrymaŭ karonu». Nichto ž nie viedaje.
Potym byŭ pieršy pienalci ŭ varoty BATE. I pieršy hoł Adryjana. Na žal, na hetym supraciŭ barysaŭcaŭ skončyŭsia. Skazałasia adsutnaść u centry abarony Jahora Filipienki, jaki traŭmavaŭsia padčas hulni zbornaj sa Słavakijaj. Niemańja Tubič, jaki zamianiaŭ Jahora, skažam ščyra, byŭ samym słabym źvianom.
Asablivym apafieozam biezdapamožnaści BATE byŭ piaty hoł «Šachciora», kali miač u varatarskaj placoŭcy biełarusaŭ adskočyŭ ad Tubiča jak ad ścienki. U pieršym tajmie zdaryŭsia jašče i šosty hoł. Adryjana aformiŭ «pokier».
U druhim tajmie «Šachcior» zabiŭ jašče adzin miač ź pienalci. Iznoŭ Adryjana! Piać hałoŭ u sustrečy – heta pienta-tryk. Vielmi redkaja źjava, asabliva ŭ Lizie čempijonaŭ. Nu što ž, BATE spryčyniŭsia da takoj padziei.
A samaje hałoŭnaje – i nie skažaš, što «Šachcior» demanstravaŭ niešta asablivaje. Prosta ŭ abaronie pravalilisia barysaŭcy. U intaresach BATE najchutčej zabyć hety viečar.
Nastupnaja hulnia BATE adbudziecca 5 listapada ŭ Lvovie z tym samym «Šachcioram».
P.S. Pra Pucina trybuny nie kryčali. A voś peŭnymi rasisckimi vykrykami hora-balelščyki adznačylisia. Sudździa navat na paru chvilinaŭ spyniaŭ hulniu. BATE praz heta moža pahražać štraf.
