23 i 24 kastryčnika čakajecca chałodnaje nadvorje, paviedamlaje partał pogoda.by.
Terytoryja Biełarusi budzie znachodzicca ŭ asnoŭnym na pieryfieryi arktyčnaha antycykłona, jaki źmiaščajecca z Karelii na Jarasłaŭskuju vobłaść Rasii.
U čaćvier, 23 kastryčnika, pieravažna biez apadkaŭ, tolki ŭ paŭdniova-zachodnich rajonach karotkačasovyja apadki (doždž, mokry śnieh), słaby hałalod, na asobnych učastkach daroh hałalodzica. Pa paŭdniovym zachadzie miescami mocny paryvisty viecier. Tempieratura pavietra nočču minus 1—8°C, pa paŭnočnym uschodzie minus 9—12°C, dniom minus 3 — plus 3°C; u paŭdniova-zachodnich rajonach nočču 0 — plus 4°C, dniom plus 4—6°C.
U piatnicu, 24 kastryčnika, biez apadkaŭ. Na asobnych učastkach daroh hałalodzica. Tempieratura pavietra nočču ad minus 3°C pa paŭdniovym zachadzie da minus 12°C pa paŭnočnym uschodzie krainy, dniom minus 2 — plus 3°C, pa paŭdniovym zachadzie kala plus 5°C.
