28-hadovaja Iryna Barys raskazvaje, što paśla takoha abiedu ŭ jaje byŭ šok. Jana navat zabyłasia paprasić Knihu skarhaŭ. A jaje svajaki tak i nie rašylisia źjeści bielašy, navat kali ich zamianili na inšyja.
Zapis pra svoj abied dziaŭčyna raźmiaściła ŭ sacyjalnych sietkach.
Poŭść padobnaja na myšynuju albo pacučynuju
U toj dzień u maładziečanskim kafe Iryna zakazała piure, šnical, kavałačak chleba i fruktovy čaj. Kali pa zvyčcy jana pačała videlcam adłomvać kavałak šnicala, to ŭbačyła tam poŭść. A jak pryhledziełasia, to ŭbačyła jašče i skuru.
– Kali ja nie pamylajusia, – zaŭvažaje dziaŭčyna. – Poŭść padobnaja na myšynuju ci pacučynuju.
Iryna adznačaje: «Heta ŭžo nie pieršy vypadak! Učora maje svajaki zajšli pierakusić u kafe. Uziali sabie bialaš. A tam siurpryz – taksama kamiak poŭści. Jany adnieśli heta ščaście pradavačcy. Taja skazała, što heta pieršy vypadak. A sama pačyrvanieła ad soramu. Adnak nie razhubiłasia i zamianiła bialaš. Dy tolki maim svajakam paśla takoha raschaciełasia jeści. Jany raźviarnulisia i pajšli z kafe».
«Adkul hetaja poŭść, nie možam skazać»
Tamara Miadźviedskaja, povar u kafe, patłumačyła:
– Da nas sapraŭdy źviarnulisia dva čałavieki, jakija znajšli poŭść u stravach – u bielašy i ŭ šnicali. Adkul hetaja poŭść, my nie možam skazać. Farš u kafe my nie robim samastojna. Zakazvajem jaho ŭ adnaho ź miasakambinataŭ našaha rehijona. Mahčyma, žyviołu, jakaja pryznačałasia na farš, drenna absmalili. Tamu i trapiŭsia kavałačak skury z poŭściu.
Ludziam, u stravy jakich trapilisia kavałački poŭści, kafe viarnuła hrošy.
Prasicie Knihu skarhaŭ
Taćciana Kuhara, zahadčyca adździeła hihijeny charčavańnia Maładziečanskaha centra hihijeny i epidemijałohii, adznačyła, što ŭ takich vypadkach treba vyklikać administratara. U Knizie skarhaŭ i prapanoŭ zapisać toje, što nie zadavalniaje ŭ absłuhoŭvańni. Taksama paviedamić u centr hihijeny i epidemijałohii.
– Kali supracoŭniki centra hihijeny i epidemijałohii pačynajuć pravierku peŭnaj ustanovy charčavańnia, to spačatku praviarajuć Knihu skarhaŭ i prapanoŭ, – adznačaje Taćciana Kuhara.
U centry hihijeny i epidemijałohii nam skazali, što heta kafe čakaje pravierka ŭ listapadzie. Ab vynikach jaje «Rehijanalnaja hazieta» raskaža paźniej.
