U Śvietłahorsku 22 kastryčnika prykładna ŭ 19.25 kiroŭca aŭtamabila «Nisan-Almiera» ŭčyniŭ najezd na 10-hadovuju dziaŭčynku, jakaja pierachodziła darohu pa nierehulavanym piešachodnym pierachodzie.
Jak paviedamlaje UDAI UUS Homielskaha abłvykankama, najezd byŭ učynieny ŭ rajonie muzyčnaj škoły na vulicy Śviardłova. Dziaŭčynka atrymała zakrytuju čerapna-mazhavuju traŭmu i dastaŭlena ŭ balnicu.
U Homieli 22 kastryčnika kiroŭca aŭtamabila «Opiel-Viektra» ŭčyniŭ najezd na 68-hadovuju žančynu, jakaja pierachodziła prajeznuju častku Rečyckaha praśpiekta ŭ nieŭstanoŭlenym miescy. Žančyna ź cialesnymi paškodžańniami ŭ vyhladzie adkrytaj čerapna-mazhavoj traŭmy, udaru hałaŭnoha mozhu i pierałomu asnovy čerapa była špitalizavana.
Taksama ŭ Homieli 22 kastryčnika žančyna-kiroŭca na aŭtamabili «Folksvahien-Holf» najechała na 48-hadovaha piešachoda, jaki raptoŭna vybieh z-za aŭtobusa ŭ nieŭstanoŭlenym miescy. Piešachod u reanimacyi.
