Biełaruś moža arhanizavać biaźvizavy propusk turystaŭ na pamiežpierachodzie ŭ Biełaviežskaj puščy, paviedamiŭ kiraŭnik departamienta pa turyźmie Ministerstva sportu i turyzmu Vadzim Karmazin 23 kastryčnika na pasiadžeńni kruhłaha stała pa prablemach turyzmu ŭ Minsku.
«Niadaŭna była praviedzienaja narada ŭ Kiraŭnictvie spravami prezidenta ab tym, kab realizavać piłotny prajekt na pamiežpierachodzie ŭ Biełaviežskaj puščy i arhanizavać tam biaźvizavy propusk turystaŭ», — skazaŭ jon.
Karmazin padkreśliŭ, što biaźvizavy propusk prapanujecca arhanizavać dla turystaŭ, jakija naviedvajuć niepasredna Biełaviežskuju pušču. «Razam z tym ja miarkuju, što heta dobry krok da spraščeńnia ŭsich vizavych farmalnaściaŭ pry pierasiačeńni miažy», — zaznačyŭ jon.
Pradstaŭnik Minsportu nahadaŭ, što ŭrad padtrymaŭ ideju ŭviadzieńnia biaspłatnych viz dla naviedvalnikaŭ mižnarodnych spartyŭnych spabornictvaŭ, bujnych fiestyvalaŭ i inšych mierapryjemstvaŭ. Pieralik takich mierapryjemstvaŭ zaraz farmirujecca.
