Va Ukrainie — «dzień cišyni» pierad pazačarhovymi parłamienckimi vybarami.
Čas, adviedzieny dla viadzieńnia pieradvybarnaj ahitacyi, zaviaršyŭsia apoŭnačy piatnicy, u noč na subotu ahitacyjnyja materyjały pavinny być prybranyja va ŭsich nasielenych punktach krainy.
Vyniki sacapytańniaŭ taksama zabaroniena ahučvać z 24.00 piatnicy.
Na pazačarhovych vybarach zmohuć być abranyja maksimum 438 deputataŭ z 450: vybary pravodziacca pa źmiašanaj sistemie, u Krymie i Sievastopali raźmieščany 12 mažarytarnych akruhaŭ, a pavodle statutu časova akupavanych terytoryj, tam vybary pravodzicca nie buduć.
Hramadzianie Ukrainy, jakija žyvuć u Krymie i Sievastopali, zmohuć prahałasavać za kandydataŭ pa partyjnych śpisach na macierykovaj častcy krainy pa sproščanaj pracedury. Pa takoj ža pracedury mohuć prahałasavać žychary Danieckaj i Łuhanskaj abłaściej.
Usiaho va Ukrainie naličvajecca biez uliku Kryma i Sievastopala 33,57 młn vybarščykaŭ, u tym liku 3,3 młn u Danieckaj i 1,77 młn u Łuhanskaj abłaściach, za miažoj — 496 tys čałaviek.
Va Ukrainie biez uliku Kryma i Sievastopala stvorana 213 akruhaŭ, za miažoj buduć dziejničać 112 vybarčych učastkaŭ: u Rasii (6), Hiermanii (5), ZŠA, Polščy i Italii — pa 4.
Vybary mohuć adbycca ŭ 13-ci akruhach u Danieckaj vobłaści i 5-ci — u Łuhanskaj.
Vybary buduć pravodzicca na terytoryjach, padkantrolnych ukrainskim uładam.
