Rasijskamu akcioru Ivanu Achłabyścinu, jaki viadomy svaimi antyŭkrainskimi vykazvańniami, zabaranili ŭjezd va Ukrainu, zajaviŭ daradca Słužby biaśpieki Ukrainy Markijan Łubkiŭski.
«Tak, u nas jość śpisy ludziej, jakija svaimi dziejańniami prajavili pahrozu dla nacyjanalnaj biaśpieki Ukrainy, tym samym prymusiŭšy nas unieści ich u śpisy asob, ujezd jakich niepažadany na terytoryju Ukrainy. Ja nie budu nazyvać vam imiony… Ale vy pamiatajecie, što niadaŭna Łatvija abviaściła, što Achłabyścinu zabaronieny ŭjezd u hetuju krainu. Dyk voś, va Ukrainu jamu taksama ŭjezd zabaronieny, zrešty, jak i mnohim, što źjaŭlajucca dziejačami kultury i z-za ŭciahvańnia ŭ palityku svajoj anhažavanaści pierakreślili svoj tvorčy ŭniosak», — raspavioŭ Łubkiŭski.
Pavodle jaho słoŭ, u śpis uvajšli niekalki sotniaŭ imionaŭ. Dla hetych ludziej užo dziejničaje zabarona na ŭjezd va Ukrainu. Kolki budzie doŭžycca hetaje abmiežavańnie, Łubkiŭski nie ŭdakładniŭ.
