28 kastryčnika (aŭtorak) u 16.00 u Centralnaj navukovaj biblijatecy imia Jakuba Kołasa NAN Biełarusi (vuł. Surhanava, 15, infarmacyjna-vystavačny centr, pakoj 110) adbudziecca prezientacyja knihi Alaksandra Nadsana «Vybranaje» (układalnik i aŭtar kamientaryjaŭ Iryna Bahdanovič).

Zbornik, jaki vyjšaŭ u śviet u vydaviectvie «Knihazbor» (Minsk, 2014), adlustroŭvaje ŭsiu hłybiniu i raznastajnaść dziejnaści śviatara, paviedamlajuć arhanizatary. U im źmieščany jak kazańni, bahasłoŭskija, pastyrskija pasłańni i razvažańni, tak i hramadska-palityčnyja i histaryčnyja tvory. Upieršyniu drukujucca zroblenyja ajcom Alaksandram pierakłady psałmoŭ. U dadatku źmieščany materyjały, pryśviečanyja śviataru. Kniha ŭkładziena pavodle tematyčnaha i žanravaha pryncypaŭ.

U ramkach imprezy ŭ biblijatecy arhanizavana vystava «Słuchaj, nieba, i pačuj, ziamla: z nahody vydańnia zbora tvoraŭ a. Alaksandra Nadsana».

Na joj pradstaŭleny knihi, artykuły, recenzii ajca Alaksandra. Siarod ich vydańni aŭtara, pryśviečanyja słavutym biełaruskim aśvietnikam Kiryle Turaŭskamu («Śviaty Kirył Turaŭski». Łondan, 1968) i Francysku Skarynie («Vybranyja malitvy z małoj padarožnaj knižki». Łondan, 1992), a taksama teałahičnaja praca «Naša viera: karotki katechizm chryścijanskaj navuki…» (Madryd, 1990). Ajciec Alaksandr pierakłaŭ na biełaruskuju movu liturhičnyja teksty dla biełarusaŭ-unijataŭ. Jany byli aficyjna zaćvierdžany Vatykanam u 1994 h.

Na niekatorych publikacyjach možna ŭbačyć aŭtohrafy i darčyja nadpisy A.Nadsana Centralnaj navukovaj biblijatecy imia Jakuba Kołasa NAN Biełarusi («Fundamientalnaj biblijatecy imia Jakuba Kołasa A.N. BSSR»), ź jakoj jon supracoŭničaŭ.

Asobny raździeł vystaŭki pryśviečany publikacyjam pra tvorčuju dziejnaść śviatara.

Клас
Панылы сорам
Ха-ха
Ого
Сумна
Абуральна