Ale čamu heta robicca, na samoj čyhuncy nie viedajuć.
U sacyjalnych sietkach źjavilisia fotazdymki kvitkoŭ u biełaruskija ciahniki, dzie paznačana «Čas adpraŭleńnia i prybyćcia maskoŭski». Nahadajem, što ŭ noč z 26 na 27 kastryčnika Rasija pierajšła na zimovy čas i maskoŭski čas zraŭniaŭsia ź minskim.
U pres-słužbie Biełaruskaj čyhunki pra takija novaŭviadzieńni nie čuli i vykazali mierkavańnie:
Pres-słužba: «Moža być, havorka idzie pra tyja ciahniki, jakija kursujuć u Rasiju. Tady heta łahična, pahadziciesia, što čas prybyćcia rasijski».
Adnak biełaruskich pasažyraŭ aburaje, što maskoŭski čas paznačany na ciahnikach, jakija chodziać tolki pa Biełarusi — u pryvatnaści na ciahnikach mižrehijanalnych linij.
U daviedcy Minskaha čyhunačnaha vakzała pytańniu ździŭlajucca, ale taksama nie mohuć adkazać, čamu ŭ kvitkach paznačany maskoŭski čas:
Daviedka: «Heta ž pa Biełarusi! Kali tam chacia b Maskva była ŭkazanaja… Čamu tam tak čas ukazany, my nie viedajem… Tam mianiaŭsia čas, ale ž heta nie ŭ nas…»
