U Breście 26 kastryčnika ŭ vyniku DTZ zahinuŭ piešachod.
Jak paviedamiła staršy inśpiektar adździaleńnia pa ahitacyi i prapahandzie DAI UUS Bresckaha abłvykankama Natalla Milukova, 27-hadovy miascovy žychar, jaki kiravaŭ tralejbusam «AKSM 20101», kala 16.40 učyniŭ najezd na piešachoda na vulicy Maskoŭskaj. Pavodle papiarednich danych, 68-hadovy brestaŭčanin pierachodziŭ prajeznuju častku pa rehulavanym piešachodnym pierachodzie źleva naprava pa chodzie ruchu tralejbusa.
Piešachod, jaki atrymaŭ traŭmy, byŭ špitalavany ŭ reanimacyjnaje adździaleńnie Bresckaj abłasnoj balnicy, dzie pamior u 18.05.
Pravodzicca pravierka, padčas jakoj vyśviatlajucca pryčyny i akaličnaści darožna-transpartnaha zdareńnia. Jak adznačyła Milukova, u Breście heta pieršaje z pačatku hoda DTZ z udziełam tralejbusa ź ciažkimi nastupstvami.
