U Mahiloŭskaj vobłaści nidzie nie pracujučych hramadzian nieabchodna ŭziać na kantrol. Pra heta zajaviŭ siońnia na abłasny videakanfierencyi staršynia Mahiloŭskaha abłvykankama Piotr Rudnik.
Jon daručyŭ adpaviednym słužbam pravieści na praciahu listapada manitorynh situacyi ŭ rajonach i haradach vobłaści na pradmiet vyjaŭleńnia «darmajedaŭ» i pastanoŭki ich na asablivy kantrol.
«Heta vielmi važnaja praca, tamu što, jak praviła, mienavita tyja, chto nidzie nie pracuje, składajuć bolšaść hramadzian, jakija viaduć asacyjalny ład žyćcia. Jany pryčyniajuć u svaich rehijonach niamała prablem, u tym liku paharšajuć abstanoŭku pa hibieli ludziej ad źniešnich faktaraŭ. My pavinny pierapisać usich darmajedaŭ, ustalavać za imi kantrol i pryniać miery pa zabieśpiačeńniu ich zaniataści», — skazaŭ Piotr Rudnik.
Staršynia abłvykankama daručyŭ padłučycca da hetaj pracy nie tolki vykanaŭčuju ŭładu i pravaachoŭnikaŭ, ale i miascovyja Saviety. «Nam nieabchodna hetuju pracu pravieści maksimalna apieratyŭna, kab užo 1 śniežnia całkam vałodać situacyjaj», — zapatrabavaŭ Piotr Rudnik.
