U niamieckim horadzie Kioln demanstracyja fanataŭ pierarasła ŭ maštabnyja sutyknieńnia z sałafitami — prychilnikami kansiervatyŭnaha isłamu. Palicyja ŭžyła vadamioty i ślozatačyvy haz, kolkaść paciarpiełych i zatrymanych ŭdakładniajecca, pieradaje AR.
U Kiolnie ŭ niadzielu prajšli dźvie masavyja akcyi. Inicyjatyŭnaja hrupa «Fanaty suprać sałafitaŭ» sabrała na svoj marš kala 2,5 tysiač futbolnych «ultras», jakija pratestavali suprać isłamskaha ekstremizmu. Akcyja ŭ adkaz u padtrymku sałafitaŭ sabrała kala 500 čałaviek.
Palicyja prykłała ŭsie siły, kab nie dapuścić sutyknieńnia dźviuch hrup pratestujučych, ale sama apynułasia «pad ahniom». U achoŭnikaŭ pravaparadku z šerahaŭ fanataŭ palacieli kamiani, butelki i piratechničnyja srodki. Palicyjanty zadziejničali ślozatačyvy haz, dubinki i vadamioty.
Miesiac tamu ŭ Kiolnie biesparadkami zaviaršyłasia akcyja pratestu suprać budaŭnictva vialikaj miačeci.
Sutyčki pačalisia paśla taho, jak ułady zabaranili praviadzieńnie ŭ Kiolnie mitynhu nacyjanalistyčnaj hrupy, jakaja vystupaje suprać płanaŭ budaŭnictva ŭ horadzie vialikaj miačeci z dvuma 55-mietrovymi minaretami.
