Z 31 kastryčnika pa 2 listapada ŭ Minsku projdzie XXXV źjezd Sajuza kamunistyčnych partyj — Kamunistyčnaj partyi Savieckaha Sajuza (SKP-KPSS).
U źjeździe prymuć udzieł pieršy sakratar CK KPB Ihar Karpienka [namieśnik staršyni Minharvykankama], staršynia CK KPRF Hienadź Ziuhanaŭ, pieršy sakratar CK Kamunistyčnaj partyi Ukrainy Piotr Simanienka i staršynia Partyi kamunistaŭ Respubliki Małdova Uładzimir Varonin.
Jak paviedamiła pres-słužba Minharvykankama, uračystaje adkryćcio źjezda projdzie 1 listapada, u ramkach mierapryjemstva delehaty ŭskładuć kvietki da steły «Minsk — horad-hieroj».
Zajaŭlajecca, što SKP—KPSS źjaŭlajecca dobraachvotnaj niepalityčnaj mižnarodnaj hramadskaj fiederacyjaj kamunistyčnych partyj na postsavieckaj prastory. Z 2001 hoda lidaram SKP-KPSS źjaŭlajecca Hienadź Ziuhanaŭ. U skład SKP-KPSS uvachodziać 18 kamunistyčnych partyj dziaržaŭ byłoha SSSR, u tym liku niepryznanych Abchazii, Paŭdniovaj Asiecii, Prydniastroŭskaj respubliki, a taksama Łatvii, Litvy i Estonii.
Vyšejšym orhanam partyi źjaŭlajecca źjezd, jaki sklikajecca adzin raz u 4 hady. Papiaredni źjezd prajšoŭ u Maskvie.