Reuters.com
Pres-sakratar prezidenta Rasii Dźmitryj Piaskoŭ abvierhnuŭ paviedamleńni niekatorych ŚMI pra mahčymuju ciažkuju chvarobu Uładzimira Pucina.
Vydańnie New York Post, jakoje maje reputacyju tabłoida, na minułym tydni paviedamiła sa spasyłkaj na ŭłasnuju krynicu, što Uładzimir Pucin nibyta chvory na rak padstraŭnikavaj załozy.
«Nie dačakajucca, cipun im na jazyk. Usio narmalna», — skazaŭ Piaskoŭ.
Aŭtar artykuła Ryčard Džonsan nijak nie daje zrazumieć, adkul jon atrymaŭ infarmacyju. U materyjale havorycca, što lačeńniem Pucina zajmajecca 84-hadovy doktar z byłoj HDR, ź jakim Pucin znajomy z časoŭ słužby ŭ KDB.
«Jość tłumačeńnie, čamu Uładzimir Pucin tak śpiašajecca ŭvarvacca va Ukrainu: chodziać čutki, što ŭ jaho rak», — z takoj zajavy pačynajecca artykuł.
