Rasija zaviaršyła pastaŭku ŭ Biełaruś čatyroch zienitna-rakietnych kompleksaŭ S-300. Ab hetym zajaviŭ 29 kastryčnika ŭ Minsku ministr abarony Rasii Siarhiej Šajhu.
Na čale rasijskaj delehacyi jon braŭ udzieł u pasiadžeńni sumiesnaj kalehii ministerstvaŭ abarony Biełarusi i Rasii.
Kiraŭnik rasijskaha abaronnaha viedamstva vykazaŭ nadzieju, što ŭ nastupnym hodzie hetyja S-300 buduć pastaŭleny na bajavoje dziažurstva.
Šajhu taksama paviedamiŭ, što ŭ 2015 hodzie rasijskaja vajennaja avijacyja źjavicca na aeradromie ŭ Babrujsku. Havorka idzie ab 12 bajavych źniščalnikach SU-27, dvuch vučebna-bajavych SU-27 i čatyroch viertalotach MI-8.
Šajhu adznačyŭ, što na pasiadžeńni kalehii pryniata rašeńnie ab pašyreńni prahramy sumiesnych vučeńniaŭ «Ščyt Sajuza — 2015», što źviazana «sa stanoviščam kala našych miežaŭ i ŭ śviecie ŭ cełym».