Padatkovyja orhany mohuć atrymać dostup da źviestak ab kupli fizasobami valuty z 1 studzienia 2015 hoda.
Ab hetym siońnia ŭ čas pramoj telefonnaj linii i anłajn-kanfierencyi ŭ BiełTA zajaviła staršynia praŭleńnia Nacyjanalnaha banka Biełarusi Nadzieja Jermakova.
Jana rastłumačyła, što na siońniašni dzień źviestki ab nabyćci hramadzianami zamiežnaj valuty ŭ bankach krainy składajuć bankaŭskuju tajnu, a padatkovyja orhany nie adnosiacca da orhanaŭ, jakija ŭpaŭnavažany na atrymańnie hetaj infarmacyi. «Tamu pradstaŭleńnie takoj infarmacyi ŭ padatkovyja orhany mahčyma tolki pry ŭmovie ŭniasieńnia adpaviednych źmianieńniaŭ i dapaŭnieńniaŭ u zakanadaŭčyja akty», - adznačyła Nadzieja Jermakova.
Pavodle jaje słoŭ, padrychtavany ŭžo źmianieńni ŭ Padatkovy kodeks, z pryniaćciem jakich padatkovym orhanam budzie pradastaŭlena prava atrymlivać źviestki, jakija składajuć bankaŭskuju tajnu fizičnych asob. Płanujecca, što hetyja normy ŭstupiać u siłu z 1 studzienia 2015 hoda.
Ciapier pravodzicca rabota pa arhanizacyi infarmacyjnaha ŭzajemadziejańnia pamiž Ministerstvam pa padatkach i zborach i Nacyjanalnym bankam u častcy pradastaŭleńnia ŭ padatkovyja orhany źviestak ab nabyćci hramadzianami zamiežnaj valuty ŭ bankach krainy.
Kiraŭnik Nacbanka adznačyła, što z techničnaha punktu hledžańnia realizacyja hetaha rašeńnia nie vykliča nijakich ciažkaściej. Nacyjanalny bank štodzień atrymlivaje ad bankaŭ źviestki ab prodažy fizičnym asobam zamiežnaj valuty. Hetyja danyja zachoŭvajucca ŭ aŭtamatyzavanaj infarmacyjnaj sistemie «Raźlik» adzinaj raźlikovaj i infarmacyjnaj prastory. U vypadku pryniaćcia adpaviednych papravak u Padatkovy kodeks, takija źviestki buduć pieradavacca Nacyjanalnym bankam u padatkovyja orhany. Maksimum, što dla hetaha spatrebicca - niaznačnyja dapracoŭki prahramnaha zabieśpiačeńnia na baku Ministerstva pa padatkach i zborach i Nacyjanalnaha banka.
Nadzieja Jermakova raskazała taksama, čamu, ź jaje punktu hledžańnia, metazhodna pradastaŭlać rabotnikam padatkovaj słužby źviestki ab kupli fizasobami zamiežnaj valuty. U adpaviednaści z Bankaŭskim kodeksam, źviestki ab prodažy zamiežnaj valuty mohuć być pradastaŭleny Nacyjanalnym bankam pravaachoŭnym orhanam pa adpaviednym zapycie. Tolki za 6 miesiacaŭ biahučaha hoda pa vynikach apracoŭki infarmacyi, atrymanaj pa zapycie z Nacyjanalnaha banka, hałoŭnym upraŭleńniem pa baraćbie z ekanamičnymi złačynstvami MUS praviedziena 50 bujnych zatrymańniaŭ «valutčykaŭ». Ź niezakonnaha abarotu kanfiskavany srodki ŭ sumie, ekvivalentnaj bolš jak Br4,3 młrd, uzbudžana 95 kryminalnych spraŭ, źviazanych ź niezakonnaj pradprymalnickaj dziejnaściu, uchileńniem ad vypłaty padatkaŭ.
Na padstavie infarmacyi, pradastaŭlenaj Nacyjanalnym bankam, u biahučym hodzie pravodzilisia kantrolnyja mierapryjemstvy i pa linii Ministerstva pa padatkach i zborach. U vyniku bolš jak 400 indyvidualnym pradprymalnikam padatkovymi orhanami danaličana ŭ biudžet bolš jak Br24 młrd, u tym liku padatkaŭ - zvyš Br16 młrd. Pry praviadzieńni raboty pa dekłaravańni dachodaŭ i majomaści ŭstanoŭlena 350 fizičnych asob, u jakich raschody, u tym liku na nabyćcio zamiežnaj valuty, nieruchomaj majomaści i transpartnych srodkaŭ, značna pieravyšajuć dachody, infarmacyja ab jakich jość u padatkovych orhanach. U vyniku fizičnym asobam danaličana ŭ biudžet Br356,6 młn, ź jakich spahnana Br245 młn. «Dumaju, hetyja ličby havorać sami za siabie», - reziumavała Nadzieja Jermakova.
