Rasija padaść zajaŭku ŭ AAN na pašyreńnie miežaŭ arktyčnaha šelfa viasnoj 2015 hoda. Pra heta napiaredadni na ŭračystaj sustrečy navukova-ekśpiedycyjnaha sudna «Akademik Fiodaraŭ» u Sankt-Pieciarburhu zajaviŭ ministr pryrodnych resursaŭ i ekałohii Siarhiej Danski.
Rasija pretenduje na dałučeńnie 1,2 młn kv. km terytoryi šelfa ŭ Paŭnočnym Ledavitym akijanie. Pa słovach Danskoha, heta dazvolić pavialičyć patencyjnyja zapasy vuhlevadarodaŭ na 5 młrd ton umoŭnaha paliva. «Ale heta minimalnyja acenki, ja ŭpeŭnieny, što ličba budzie bolšaj», — padkreśliŭ ministr.
«Dla nas, dla ministerstva, hety dzień byŭ doŭhačakanym, tamu što papiaredničała vialikaja praca. Zajaŭku na naš šelf, našy arktyčnyja miažy my budziem padavać u AAN viasnoj nastupnaha hoda», — skazaŭ jon.
Pavodle jaho słoŭ, «ekśpiedycyjaj vykanany ŭvieś abjom rabot, navat bolš, čym płanavałasia. U nas jość usie nieabchodnyja abhruntavańni, kab rychtavać zajaŭku i ŭnieści jaje na kamisiju pa miežach kantynientalnaha šelfa. U nas jość poŭny abjom navukovych dadzienych, kab dalej pracavać ź lepšymi hieołahami arktyčnych krain, jakija ŭvachodziać u skład kamisii».
