Ułady Danieckaj i Łuhanskaj «narodnych respublik» nie addaduć Kijevu kantrol nad miažoj z Rasijaj i nastojvajuć na jaje mižnarodnym manitorynhu. Pra heta havorycca ŭ zvarocie kiraŭnictva «DNR» i «ŁNR» da Rasii i ABSIE.
«Ukraina patrabuje viarnuć kantralavanyja nami ŭčastki miažy z Rasijaj pad jaje kantrol. My možam pajści tolki na mižnarodny manitorynh hetych učastkaŭ miažy», — paviedamlajecca ŭ dakumiencie.
Umovaj dla mižnarodnaha manitorynhu «DNR» i «ŁNR» nazvali dasiahnieńnie poŭnaha palityčnaha ŭrehulavańnia kanfliktu na ŭschodzie Ukrainy, a taksama adnaŭleńnie ekanamičnych i sacyjalnych suviaziaŭ z Kijevam, jakoje budzie paćvierdžana damovaj pry paručalnictvie Rasii i Jeŭrasajuza. Heta damova pavinna harantavać biaśpieku nasielnictva «narodnych respublik» i ich palityčnych instytutaŭ.
Na siońniašni dzień sieparatysty kantralujuć piać punktaŭ propusku na rastoŭskim učastku miažy Ukrainy z Rasijaj. Na tych učastkach miažy, jakija kantraluje Kijeŭ, ukrainskija ŭłady pačali budavać ŭmacavańnie ŭ ramkach prajekta «Ściana».
