Pra heta paviedamiła hałoŭny sinoptyk Respublikanskaha hidramieteacentra Śviatłana Rybakova.
«Na hetym tydni ŭ Biełaruś viarnułasia ciapło. Pa pieryfieryi antycykłonu, jaki raźmiaściŭsia nad Pavołžam, da nas pačało pastupać ciopłaje pavietra z Zachodniaj Jeŭropy. Tempieraturny fon pavysiŭsia i nabliziŭsia da klimatyčnaj normy», - paviedamiła hałoŭny sinoptyk.
U piatnicu, 31 kastryčnika, umovy nadvorja na terytoryi Biełarusi budzie pa-raniejšamu vyznačać vobłaść pavyšanaha atmaśfiernaha cisku, ale sfarmiravanaja ŭ bolš chaładnavataj pavietranaj masie. Budzie pieravažna biez apadkaŭ. Unačy i ranicaj miescami čakajecca słaby tuman. Tempieratura pavietra ŭnačy składzie ad plus 2 da minus 4 hradusaŭ, pa paŭdniovym uschodzie miescami tempieratura apuścicca da 6 hradusaŭ marozu. Udzień budzie ad 3 da 9 hradusaŭ vyšej za nul.
Nadvorje ŭ subotu, 1 listapada, budzie vyznačać vobłaść pavyšanaha atmaśfiernaha cisku, tolki dniom na paŭnočnym zachadzie krainy budzie adčuvacca ŭpłyŭ małaaktyŭnaha atmaśfiernaha frontu, što pieramiaščajecca z Polščy. Apadki nie prahnazujucca, tolki ŭdzień pa paŭnočnym zachadzie krainy projduć karotkačasovyja daždžy. Unačy i ranicaj u asobnych rajonach čakajecca tuman, słaby hałalod.
Tempieratura pavietra ŭnačy składzie ad plus 3 da minus 3 hradusaŭ, pry prajaśnieńniach - da minus 5. Dniom pavietra prahrejecca ad 3 da 10 hradusaŭ ciapła.
U niadzielu, 2 listapada, na terytoryju Biełarusi pačnuć pastupać bolš ciopłyja pavietranyja masy z Zachodniaj Jeŭropy. Unačy i ranicaj miescami projduć karotkačasovyja apadki (mokry śnieh, doždž), u asobnych rajonach čakajecca tuman, mahčymy słaby hałalod. Dniom budzie pieravažna biez apadkaŭ. Tempieratura pavietra ŭnačy składzie ad 2 hradusaŭ ciapła da 5 hradusaŭ marozu, pa ŭschodzie pry prajaśnieńniach budzie da minus 8 hradusaŭ.
Dniom tempieratura składzie ad 3 da 10 hradusaŭ ciapła, a ŭ zachodnich rajonach - da 13 hradusaŭ vyšej za nul.
U pačatku nastupnaha tydnia čakajecca całkam kamfortnaje, u asnoŭnym biez apadkaŭ nadvorje, adznačyła Śviatłana Rybakova. Unačy i ranicaj miescami zhuścicca tuman. Unačy tempieratura apuścicca da minus 7 hradusaŭ. Dniom budzie ad 5 da 11 hradusaŭ ciapła. Pa zachadzie krainy budzie ciaplej: unačy - da plus 3 hradusaŭ, dniom - da plus 13 hradusaŭ.
