U Biełaruskim dziaržaŭnym univiersitecie ŭpieršyniu stvorany vyšejšy pradstaŭničy orhan studenckaha samakiravańnia — Asambleja BDU.
«Heta histaryčna značnaja padzieja dla BDU, bo ŭdziełu studentaŭ u kiravańni adukacyjnym pracesam VNU nadajecca aficyjny status», — paviedamiła pres-słužba VNU.
Dziejnaść asamblei, pavodle danych pres-słužby, dazvolić «aptymalna realizavać maładziožnuju palityku BDU, kansalidavać studencki hramadski ruch i najbolej poŭna vykarystoŭvać patencyjał studenctva ŭ sacyjalna-ekanamičnych pieraŭtvareńniach VNU i vyrašeńni studenckich prablem». Stvareńnie asamblei praduhledžvaje taksama aktyvizacyju infarmavanaści studentaŭ ab dziejnaści BDU.
Pad ehidaj asamblei buduć funkcyjanavać usie hramadskija arhanizacyi i orhany studenckaha samakiravańnia VNU. Pryjarytetnymi kirunkami pracy novaha orhana stanuć «abarona pravoŭ studentaŭ, raspracoŭka prapanoŭ pa pavyšeńni jakaści adukacyjnaha pracesu, zachavańnie i raźvićcio demakratyčnych tradycyj studenctva», adznačyli ŭ BDU.
Asambleja BDU budzie pradstaŭlać intaresy studenctva pierad orhanami kiravańnia VNU, vykładčyckim korpusam, hramadskimi i dziaržaŭnymi arhanizacyjami, «umacoŭvajučy mižvuzaŭskija, mižrehijanalnyja i mižnarodnyja suviazi», havorycca ŭ paviedamleńni VNU.
