Mahiloviec fatahrafavaŭ aholenych dziaciej i vykładvaŭ ich fota ŭ internecie, paviedamili ŭ adździaleńni infarmacyi i hramadskich suviaziej UUS Mahiloŭskaha abłvykankama.
Žychar Mahilova z 2013 hoda zavablivaŭ da siabie roznymi sposabami małaletnich dziaciej, prymušaŭ ich fatahrafavacca aholenymi i raźmiaščaŭ fota na roznych internet-sajtach. U dačynieńni da mužčyny była zaviedzienaja kryminalnaja sprava pa artykule «Prymus da dziejańniaŭ seksualnaha charaktaru, ździejśnienaje ŭ dačynieńni da zaviedama niepaŭnaletnich». Usie dokazy, jakija paćviardžajuć udzieł u złačynstvie, padazravany paśpieŭ vydalić z kampjutara. Padčas pieratrusu supracoŭniki milicyi kanfiskavali ŭ jaho ćviordy dysk, jaki ŭ chodzie rasśledavańnia kryminalnaj spravy byŭ pradstaŭleny na daśledavańnie.
Dziakujučy jakasna praviedzienaj kampjuterna-techničnaj ekśpiertyzie ćviordaha dyska fajły, jakija źmiaščajuć vyjavy aholenych dziaciej, byli adnoŭlenyja. Zaklučeńnie ekśpierta laža ŭ asnovu abvinavačvańnia. Śledstva pa spravie praciahvajecca. Padazravanamu pahražaje pazbaŭleńnie voli na termin da šaści hadoŭ.
