Padčas śpiecyjalnaha rejda «Filtr» u Breście supracoŭniki Dziaržaŭtainśpiekcyi za dźvie hadziny vyjavili 38 parušeńniaŭ pravił darožnaha ruchu.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, rejd pravodziŭsia 30 kastryčnika z 7 da 9 hadzin ranicy na adnym z učastkaŭ vulicy Čyrvanaściažnaj.
Supracoŭnikami DAI byli vyjaŭleny takija parušeńni PDR, jak kiravańnie ŭ pjanym vyhladzie, ekspłuatacyja aŭtamabilaŭ bieź dziaržaŭnaha techahladu i biez strachavoha polisa, parušeńnie pravił pieravozki pasažyraŭ, adsutnaść pravoŭ na kiravańnie transpartnym srodkam. U dačynieńni da ŭsich parušalnikaŭ składzienyja administracyjnyja pratakoły.
U pryvatnaści, jak raskazała Sacharčuk, u miežach rejdu była zatrymanaja žančyna-vadziciel u niećviarozym stanie. 35-hadovaja miascovaja žycharka kiravała aŭtamabilem «Chundaj». Na piarednim pasažyrskim siadzieńni znachodziłasia žančyna, na zadnim — nie pryšpilenyja ramianiami biaśpieki čaćviora dziaciej, adzin ź jakich siadzieŭ na rukach u starejšaha dziciaci.
«Hety aŭtamabil byŭ spynieny supracoŭnikami DAI za parušeńnie pravił pieravozki pasažyraŭ. Zatym źjaviłasia padazreńnie, što jaho vadziciel niećviarozaja, — raskazała Sacharčuk. — Miedycynski ahlad vyjaviŭ, što kancentracyja ałkaholu ŭ parach vydychanaha aŭtamabilistkaj pavietra składaje 0,68 pramile».
Pavodle słoŭ vadziciela, da hadziny nočy 30 kastryčnika jana ŭžyvała piva, ranicaj susiedka z čatyrma dziećmi źviarnułasia da jaje z prośbaj padvieźci.
U dačynieńni da aŭtamabilistki byli składzienyja pratakoły: za kiravańnie transpartnym srodkam u stanie apjanieńnia, za parušeńnie pravił pieravozki pasažyraŭ i nieprachodžańnie aŭtamabilem dziaržaŭnaha techničnaha ahladu.
