Microsoft vypuścić nastupnuju viersiju ofisnaha pakieta Office 16 u druhoj pałovie 2015 hoda. Pra heta paviedamlaje resurs ZDNet sa spasyłkaj na paviedamleńnie hienieralnaha meniedžara Microsoft pa markietynhu Office i Office 365 Džulii Uajt.
Na vystavie Tech Ed Barcelona Uajt paviedamiła, što niahledziačy na najaŭnaść vobłačnaj viersii Office 365, kampanija praciahnie vypusk nastolnaj viersii. Vydańnie miarkuje, što Office 16 budzie ŭklučać ŭsie novaŭviadzieńni Office 365, jakija źjaviacca da taho času.
Na sajcie vobłačnaha nazapašvalnika OneDrive pačaŭsia pryjom zajavak na vykarystańnie bieźlimitnaha abjomu dla dadzienych na servisie. Pasłuha pradastaŭlajecca dla ŭładalnikaŭ padpiski na Office 365. Ciapier maksimalny dastupny dla ich abjom u vobłačnym servisie składaje 1 terabajt.
Pamiž isnujučaj nastolnaj viersijaj Office 2013 i vobłačnaj Office 365 pryncypovaja roźnica ŭ madeli apłaty. Za aŭtanomnuju viersiju karystalnik płacić adzin raz. Vobłačnaja viersija dajecca karystalniku ŭ arendu i jon pavinien apłačvać jaje kožny hod, zatoje moža ŭstalavać na piaci pryładach, uklučajučy PK i smartfony.
Pavodle dadzienych ŚMI, u bližejšy čas my ŭbačym viersiju dla Android, ciapier Office dastupny na kampjutarach i smartfonach pad kiravańniem roznych AS Windows, a taksama majucca viersii dla OS X i iOS.
U pačatku 2015 hoda čakajecca novaja viersija ofisnaha pakieta dla kampjutaraŭ Apple.
