Videarolik, na jakim Krym byŭ pakazany ŭ składzie Rasii, byŭ vydaleny z akaŭnta FIFA ŭ Youtube. U roliku była pakazana prezientacyja łahatypa čempijanatu śvietu 2018 hoda ŭ vyhladzie prajekcyi na budynku Vialikaha teatra ŭ Maskvie.
Ukrainski bok aficyjna nie adreahavaŭ na hety videarolik, adnak były kiraŭnik arhkamitetu turniru UEFA Jeŭra-2012 va Ukrainie Markijan Łubkiŭski ŭžo napisaŭ u svaim fejsbuku post, u jakim zaklikaŭ Ministerstva sportu i Fiederacyju futboła Ukrainy vykazać pratest.
Čempijanat śvietu pa futbole projdzie ŭ Rasii ŭ 2018 hodzie. Varta adznačyć, što niekatoryja zachodnija i ŭkrainskija palityki raniej zaklikali FIFA pazbavić Rasiju prava praviadzieńnia čempijanatu śvietu pa futbole z-za situacyi va Ukrainie.