U sakaviku 2014 h. Miłonaŭ byŭ adnym ź inicyjataraŭ zabarony ŭ Rasii kancertaŭ ukrainskaha hurtu «Okiean Jelzi»
Deputat Zakanadaŭčaha schodu Sankt-Pieciarburha Vitalij Miłonaŭ prapanavaŭ nazaŭsiody zabaranić kiraŭniku amierykanskaj kampanii Apple Inc. Cimu Kuku ŭjezd u Rasiju z-za jaho homaseksualnaści.
Pra heta ŭ čaćvier, 30 kastryčnika, paviedamlaje ahienctva FlashNord.
«Što jon moža nam pryvieźci? Virus Eboła, ŚNID, hanareju? U ich tam va ŭsich biazładnyja suviazi. Zabaranić ŭjezd nazaŭždy», — zajaviŭ Miłonaŭ, kamientujučy ahienctvu paviedamleńni ab kaminh-aŭcie Kuka.
Na dumku deputata, Kuk pryznaŭsia ŭ svajoj homaseksualnaści, kab pavysić prodažy kampanii, bo brend Apple staŭ papularnym.
«Jon jak artyst, jaki spačatku raskručvajecca mienavita jak artyst, a potym zajaŭlaje, što jon piederast.
Voś ciapier usie viedajuć, što Apple robiać piederasty, i ŭ kožnaha pačynaje źmianiacca śviadomaść — nu jon ža talenavity… Heta tonki palityčny chod», - adznačyŭ Miłonaŭ.
Raniej 30 kastryčnika hałoŭny vykanaŭčy dyrektar amierykanskaj kampanii Apple Inc. Cim Kuk zajaviŭ ab svajoj nietradycyjnaj sieksualnaj aryjentacyi. Jaho zajavu apublikavała vydańnie Bloomberg Businessweek.
«Ja nie liču siabie aktyvistam. Ale kali navina ab tym, što CEO Apple źjaŭlajecca hiejem, dapamoža niekamu pryniać siabie takim, jaki jon jość, ci natchnić ludziej na baraćbu za roŭnyja pravy, heta stanie raŭnacennym abmienam na tajamnicu majho pryvatnaha žyćcia», — adznačyŭ Kuk.