Uzbrojeny mužčyna ździejśniŭ razbojny napad na mahazin u Oršy.
Jak paviedamiŭ BiełTA načalnik UUS Viciebskaha abłvykankama Ihar Jaŭsiejeŭ, pravaparušalnik zatrymany, ciapier ź im pracuje apieratyŭna-śledčaja hrupa.
Paviedamleńnie pra napad na kramu pastupiła ŭ Aršanski rajonny adździeł unutranych kala 17.40 ad pradaŭcoŭ.
Jany paviedamili, što ŭ handlovy abjekt zajšoŭ mužčyna, skazaŭ, što heta rabavańnie, i zapatrabavaŭ vyručku.
Supracoŭniki kramy vyrašyli, što heta žart, ale naviedvalnik dastaŭ pistalet i zrabiŭ try streły — dva ŭ pavietra, adzin u nahu pradaŭca.
Pa słovach načalnika UUS, atrymaŭšy infarmacyju ab zdareńni, u rajonie byŭ abvieščany płan «Sirena», i dziakujučy sumiesnym dziejańniam pravaachoŭniki zatrymali mužčynu na adnym z punktaŭ prypynku litaralna za niekalki chvilin da prybyćcia ciahnika.
Napad na kramu ździejśniŭ žychar Minskaha rajona 1989 hoda naradžeńnia. Pry im vyjaŭlenyja dva pistalety i vybuchovaje prystasavańnie. Sam rabaŭnik byŭ u broniekamizelcy i pry zatrymańni zrabiŭ 5 strełaŭ u milicyjantaŭ.
Pa fakcie razboju zaviedziena kryminalnaja sprava.
Pradaŭcu akazana nieabchodnaja miedycynskaja dapamoha, pahrozy dla žyćcia niama.
Krama nie była abstalavana sihnalizacyjaj i tryvožnaj knopkaj. Na hetuju akaličnaść nie adnojčy źviartałasia ŭvaha kiraŭnictva handlovaha abjekta, dadaŭ Ihar Jaŭsiejeŭ.