Kamieta 67P/Čurumava-Hierasimienki źniataja z zonda Rosetta. Fota Jeŭrapiejskaha kaśmičnaha ahienctva.
Siońnia modul Philae adździaliŭsia ad kaśmičnaha zonda Rosetta i musić sieści na pavierchniu kamiety 67P/Čurumava-Hierasimienki.
Philae adździaliŭsia ad Rosetta u 11:35. Apieracyja pa pasadcy aparata zojmie kala siami hadzin. Za padziejaj možna sačyć u pramym efiry.
Płanujecca, što pieršy sihnał ad modula Philae budzie pieradadzieny na ziamlu a 14-j hadzinie.
Misija Rosetta Jeŭrapiejskaha kaśmičnaha ahienctva — pieršaja ŭ historyi apieracyja pa pasadcy na pavierchniu kamiety. Rosetta była zapuščana ŭ kosmas 2 sakavika 2004 hoda. Praz 10 hadoŭ jana zdoleła vyjści na arbitu kamiety 67P/Čurumava-Hierasimienki, jakaja ciapier znachodzicca pamiž arbitami Marsa i Jupiciera.
Za dziesiać hadoŭ misii Rosetta pieraadoleła 6,5 miljarda kiłamietraŭ šlachu. U vypadku paśpiachovaj pasadki, astranomy spadziajucca atrymać źviestki, jakija dapamohuć zrazumieć, jak vyhladała Soniečnaja sistema da farmiravańnia płaniet, bo kamiety — samyja staražytnyja abjekty soniečnaj sistemy.