Pornaaktrysa Luboŭ Bušujeva (bolš viadomaja ŭ peŭnych kołach jak Łoła Tejłar), jakaja dva tydni tamu stała achviaraj hvałtu, vyrašyła zaviazać z «filmami dla darosłych» i pieratvarycca ŭ mastačku.
«Ja vyrašyła zaviazać z hetym biznesam, ja bolš nie viarnusia, tamu što ja vyrašyła skončyć mastackuju škołu i stać mastačkaj, i dalej adkryć fond dla tych, chto trapiŭ u anałahičnuju situacyju, dla achviaraŭ hvałtu», — piša na svajoj staroncy Bušujeva.
Bušujeva budzie prykutaja da łožka pierałomami na paŭtara miesiaca.
Bušujeva vyskačyła z akna, ratujučysia ad hvałtaŭnikoŭ, adzin ź jakich byŭ hramadzianinam Biełarusi. Jana pryjechała da ich na kvateru pa abjavie. Jany ž nakpilisia ź jaje z elemientami sadyzmu.
Luboŭ pieraacaniła svaju raniejšuju dziejnaść: «Raniej ja viała drenny ład žyćcia, ale, napeŭna, Boh pakaraŭ mianie i daŭ čas mnie na abdumvańnie majho žyćcia (maju na ŭvazie paŭtara miesiaca, jakija ja praviadu ŭ lažačym režymie). Mnie dali znak z vyšyniaŭ. Ja prosta pavinna była trapić u Raj, a jon mianie nie ŭziaŭ zaraz, bo ja nie zasłužyła, voś i pakinuŭ pry žyćci, kab vypraŭlałasia…»
Pieršyja malunki Bušujevaj, jakija jana źmiaščaje ŭ Siecivie, dajuć padstavy sumniavacca ŭ tym, što mastactva – heta jaje ściažyna. Jany taksama adlustroŭvajuć tyja psichałahičnyja prablemy, ź jakimi sutyknułasia achviara hvałtu.
«Hety zły leŭ, abaraniŭ mianie i źjeŭ maich hvałtaŭnikoŭ. Usio zasłužana, a zdani ich užo čakajuć kab i tam, u Śviecie inšym ich katavać», — piša jana ŭ apisańni da hetaha, adnaho z samych niejtralnych malunkaŭ.
Siarod inšych — jašče bolš dramatyčnyja.
